Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 301 Hüküm no: 455 Orijinal metin no: [43b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Selime Hatun’un boşandığı kocası Mehmed Ârif Efendi aleyhine açtığı mehir davasında yirmi guruşa sulh olduğu Galata’da Câmi‘-i kebîr Mahallesi’nde sâkine mu‘arrefetü’z-zât Şerife Selime bt. es-Seyyid Mustafa nâm hatun Galata Bâb Mahkemesi’nde meclis-i şer‘de zevc-i mutallıkı Mehmed Ârif Efendi b. Ali Efendi muvâcehesinde mezbûr Mehmed Ârif Efendi b. Hüseyin akd-i nikâhında mehr-i mu‘accel tesmiye olunup bana teslîm etmediği mecmû‘u yüz elli guruş kıymetli kıtık memlû on çatma yasdık ve üç minder ve üç çuka mak‘ad ve bir tek altın bilezik ve bir çift zümrüd küpe ve iki altın yüzük ve yirmi kat câmeşûyu taleb ederim deyü tasaddî eylediğim da‘vâdan bâ-vesâtet-i muslihîn mezbûr Mehmed Ârif Efendi ile yirmi guruş bedel-i makbûza ba‘de’s-sulh ve’l-kabûl mâ‘adâ yüz otuz guruşa ve bedel-i sulh-ı merkūma müte‘allika da‘vâdan herbirimiz âharın zimmetini ibrâ ve iskāt eyleyip ve herbirimiz ber-vech-i muharrer âharın ibrâsını kabûl-birle kat‘-ı münâza‘a eyledik deyü ikrâr ve tasdîkleri tescîl ve bi’[l]-iltimâs huzûr-ı âlîlerine i‘lâm olundu. Fî 14 N sene 1221.