Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 302 Hüküm no: 459 Orijinal metin no: [44a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Katozlu Kostantin’in tayfası olan firarî kardeşi Mellâh Yani’yi buldurup kendisine teslim etmesi talebiyle İsterati Reis aleyhine açtığı davanın meşru olmadığı Arzuhâl eden Katozlu Kostantin v. Dimitri nâm zimmî Galata’da mahfil-i kazâda derûn-ı arzuhâlde mersûmü’l-ism İsterati Reis v. Yanaki nâm zimmî muvâcehesinde benim karındaşım Yani nâm zimmînin gāib ani’l-meclis Zeyt Yağcı Hanparson v. Kiryako nâm zimmîye revgan-ı zeyt semeninden bâ-i‘lâm-ı şer‘î zimmetinde deyni olan yüz doksan beş guruş bi’l-emr ve’l-kabûl ben kefîl ve zâmin olduğumdan sonra karındaşım mersûm Yani zimmî mersûm İsterati zimmînin sefînesinde mellâh iken firâr etmekle mücerred sefînesinde mukaddemâ mellâhı olduğuna binâen karındaşım firârî-i mersûmu bulup bana teslîme yâhud meblağ-ı mezkûr yüz doksan beş guruşu bana mâlından tazmîne mersûm İsterati zimmîye cebr ve tenbîh olunmak matlûbumdur deyü tasaddî eylediği da‘vâsı takrîr-i meşrûhu üzere meşrû‘a ve iltifâta şâyân olmayıp mersûm İsterati zimmîye bî-vech mu‘ârazadan men‘ olunduğu mübâşirleri el-Hâc Mustafa Çavuş kulları yediyle huzûr-ı âlîlerine i‘lâm olundu. Fî 6 L sene 1221.