Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 303 Hüküm no: 460 Orijinal metin no: [44a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kapakçı Nikogos’un kiracısı olduğu dükkanı tahliye edip mutasarrıfı Abdülkadir Ağa’ya teslimine karar verildiği Galata hâricinde Şahkulu Mahallesi’nde sâkin Abdulkādir Ağa b. el-Hâc Ali nâm kimesne Galata Bâb Mahkemesi’nde meclis-i şer‘de Kapakçı Nikogos v. Minas nâm zimmî muvâcehesinde mersûm Nikogos zimmî mahalle-i mezkûrede vâki‘ mutasarrıf olduğum bir bâb kapakçı dükkânımda beher şehr dörder guruş icâre ile müstecirim olup dükkân-ı mezkûrun bana lüzûmu olmağla târih-i i‘lâm şehri gāyetine izâfetle fesh-i îcâr etmemle gāyet-i şehr-i mezkûrda dükkân-ı mezkûru tahliye ve bana teslîme mersûm Nikogos zimmîye tenbîh olunmak matlûbumdur deyü da‘vâ eyledikde ol dahi cevâbında ber-vech-i muharrer ikrâr u i‘tirâf etmeğin alâ-mûcibi ikrârihi gāyet-i şehr-i mezkûrda dükkân-ı mezkûru tahliye ve müdde‘î-i mezbûr Abdulkādir Ağa’ya teslîme mersûm Nikogos zimmîye tenbîh olunduğu bi’[l]-iltimâs huzûr-ı âlîlerine i‘lâm olundu. Fî 8 L sene 1221.