Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 304 Hüküm no: 463 Orijinal metin no: [44b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Neccar Nikoli v. Yani’nin neccariye ücretinden alacağı olduğu iddiasıyla Andon v. İstemat aleyhine açtığı davada iddiasını ispat edemediği Neccârdan Nikoli v. Yani nâm zimmî Galata Bâb Mahkemesi’nde meclis-i şer‘de Andon v. İstemat nâm zimmî muvâcehesinde mersûm İstemat zimmî zimmetinde ücret-i neccâriyyeden cem‘an otuz beş guruşdan bâkī yirmi yedi guruş alacak hakkım kalmağla hâlâ taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsını isbâta kādir olmamağla bi’t-taleb mersûm Andon dahi ba‘de’t-tahlîfü’ş-şer‘î mûcebince müdde‘î-i mersûm Nikoli zimmî da‘vâ-yı mezkûresiyle mersûm Andon zimmîye bilâ-beyyine mu‘ârazadan men‘ olunduğu huzûr-ı âlîlerine i‘lâm olundu. Fî 6 L sene [1]221.