Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 305 Hüküm no: 465 Orijinal metin no: [44b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkāl Tanaş v. Todori’nin zahîre bedelinden alacağı olduğu iddiasıyla Şerbetçi Corci aleyhine açtığı davada iddiasını ispat edemediği Bakkāl Tanaş v. Todori nâm zimmî Galata Bâb Mahkemesi’nde meclis-i şer‘de Şerbetçi Corci zimmî zimmetinde zehâir-i mütenevvi‘a-yı ma‘lûme semenlerinden cem‘an on sekiz guruş otuz altı para alacak hakkım olmağla hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr lâkin meblağ-ı mezkûru müdde‘î-i mezbûra tamamen edâ ve teslîm etmişidim deyü iken def‘ine ikāmet-i beyyine edemeyip bi’t-taleb müdde‘î-i mezbûra yemîn teklîf olundukda ol dahi yemînden nükûl etmeğin mûcebince müdde‘î-i mersûm Tanaş zimmî meblağ-ı mezkûr on sekiz guruş otuz altı para mütâlebesiyle mersûm Corci zimmîye bî-vech mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 15 L sene 1221.