Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 306 Hüküm no: 466 Orijinal metin no: [44b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halatçı Hacı Ali Çelebi’nin halat bedelinden alacağı olduğu iddiasıyla Seyyid Mehmed Çelebi aleyhine açtığı davada iddiasını ispat edemediği Halatçı Satrancî? el-Hâc Ali Çelebi b. Hüseyin Galata’da mahfil-i kazâda es-Seyyid Mehmed Çelebi b. Hüseyin nâm kimesne muvâcehesinde mezbûr es-Seyyid Mehmed Çelebi zimmetinde ma‘lûmü’z-zirâ‘ halat semeninden iki yüz guruşdan bâkī yüz guruş alacak hakkım olmağla hâlâ taleb ederim deyü da‘vâ eyledikde ol dahi cevâbında külliyyen ba‘de’l-inkâr müdde‘î-i mezbûr ber-vech-i muharrer müdde‘âsına ikāmet-i beyyine edemeyip bi’t-taleb mezbûr es-Seyyid Mehmed Çelebi ba‘de’t-tahlîfü’ş-şer‘î mûcebince müdde‘î-i mezbûr da‘vâ-yı mezkûresiyle mezbûr es-Seyyid Mehmed Çelebi’ye bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 12 L sene 1221.