Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 310 Hüküm no: 477 Orijinal metin no: [45b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Neccar Tanaş v. Todori ile Neccar Kalfası Yani v. Ziso’nun birbirleri aleyhine açtıkları tazir davalarından vazgeçtikleri Neccâr tâifesinden Tanaş v. Todori nâm zimmî Galata Bâb Mahkemesi’nde meclis-i şer‘de neccâr kalfalarından Yani v. Ziso nâm zimmî muvâcehesinde mersûm Yani zimmî ta‘zîri mûcib lafzla bi’l-muvâcehe bana şetm etmekle mûcib-i şer‘îsini taleb ederim deyü da‘vâ ettikde mesfûr Tanaş zimmî dahi kezâlik ta‘zîri mûcib lafzla bi’l-muvâcehe bana şetm etmekle mûcib-i şer‘îsini taleb ederim deyü da‘vâ ve herbiri âharın müdde‘âsını inkâr-birle her bir tasaddî eyledikleri da‘vâdan meccânen fâriğler olup husûs-ı mezkûra müte‘allika da‘vâdan herbiri âharın kabûlü hâvî ibrâ ve iskāt-birle kat‘-ı münâza‘a eyledikleri bi’[l]-iltimâs huzûr-ı âlîlerine i‘lâm olundu. Fî 11 L sene 1221.