Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 310 Hüküm no: 478 Orijinal metin no: [45b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Reis Nikola v. Yorgi’nin Hasan Beşe’deki alacağını ortağı Tâcir Hacı Mehmed Salih Ağa’dan talep etmesinin meşru olmadığı Sefîne reislerinden Nikola v. Yorgi nâm zimmî Galata Bâb Mahkemesi’nde meclis-i şer‘de tüccârdan el-Hâc Mehmed Salih Ağa b. Ali nâm kimesne muvâcehesinde Bahr-ı siyah sevâhilinde Tuna nâm mahalde sâkin mezbûr el-Hâc Mehmed Salih Ağa’nın şerîki gāib ani’l-meclis Hasan Beşe mâlımdan ve yedimden yüz kırk guruşumu gasben ahz etmekle gāib-i mezbûr Hasan Beşe mücerred mezbûr Mehmed Salih Ağa’nın şerîki olmağla gāib-i mezbûrun mağsûbu olan meblağ-ı merkūm yüz kırk guruşu şerîki mezbûrdan taleb ederim deyü tasaddî eylediği da‘vâsı takrîr-i meşrûhu üzere meşrû‘a olmayıp mezbûr Mehmed Salih Ağa’ya suâl dahi teveccüh etmediği bi’l-iltimâs huzûr-ı âlîlerine i‘lâm olundu. Fî 12 L sene 1221.