Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 321 Hüküm no: 494 Orijinal metin no: [48a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Mehmed’in talebi üzerine oğlu Demirci Mehmed ve karısı Zenciye Ayşe ile ortak kullandıkları eşyaların ayrıldığı Galata’da Emekyemez Mahallesi’nde sâkine ve zâtı vech-i şer‘î üzere mu‘arrefe Demirci zevcesi demekle ma‘rûfe Hadice bt. Mehmed nâm hatun Galata Bâb Mahkemesi’nde meclis-i şer‘de sadrî kebîr oğlu Demirci Mehmed b. el-Hâc Ali nâm kimesne ve mezbûrun zevcesi zâtı kezâlik mu‘arrefe Zenciye Âişe bt. Abdullah nâm zevcân muvâcehelerinde ben oğlum mezbûr Mehmed zevcesi mezbûre Zenciye Âişe Hatun ile mahalle-i mezbûrede vâki‘ bir bâb menzilimde bi’l-ma‘iyye sâkinler olup menzil-i merkūmda bi’l-cümle eşyâmız muhtelit olmağla biz bu esnâda âhar menzile nakleylediğimize binâen eşyâmızı tefrîk için taleb ve iltimâs ile taraf-ı şer‘den mürsel Kâtib es-Seyyid Abdülfettâh Efendi ma‘rifetiyle menzil-i mezbûrda bi’l-cümle eşyâmız tefrîk ve temyîz ve yedimize mâlımız olan eşyâ-i ma‘lûmemizi bi’t-terâzî ahz u kabz edip herbirimiz berî ve zimmetimizde âharın nesnesi kalmamağla husûs-ı mezkûra müte‘allika da‘vâdan herbirimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri tescîl ve bi’[l]-iltimâs huzûr-ı âlîlerine i‘lâm olundu. Fî L sene 1221.