Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 323 Hüküm no: 497 Orijinal metin no: [48b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstefan’ın kız kardeşi Maryem’den bin beş yüz guruş alacağı olduğunu şahitlerle ispat ettiği İşbu i‘lâm derûnunda tafsîl olunduğu üzere mersûm İstefan zimmînin kız karındaşı [Maryem] Nasrâniye-i mersûmeden mütâlebesi olan bin beş yüz guruşun bin guruşunu Nasrâniye-i mersûme ikrâr u i‘tirâf ve mâ‘adâ beş yüz guruşunu inkâr etmekle mersûm İstefan zimmî ber-vech-i muharrer ziyâde beş yüz guruş müdde‘âsını lede’t-tezkiye şehâdetleriyle mersûme Maryem Nasrâniye muvâcehesinde isbât etmeğin mûcebince meblağ-ı merkūm bin beş yüz guruşun bin guruşunu i‘lâm tarihinden sonra mersûm İstefan zimmîye Nasrâniye-i mersûme meclis-i şer‘de ba‘de’t-teslîm bâkī kalan beş yüz guruşu dahi mersûm İstefan zimmîye Nasrâniye-i mersûmeye tenbîh olunduğu mübâşirleri mezbûr kulları yediyle huzûr-ı âlîlerine i‘lâm olundu. Fî-selhi L sene 1221.