Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 334 Hüküm no: 515 Orijinal metin no: [51a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çelebi b. Murtaza’nın kız kardeşi Şerife Hadice ile tasarruflarında olan menzilde nöbetleşe oturmaya razı oldukları Galata hâricinde Ağa Mahallesi’nde sâkin Mehmed Çelebi b. Murtaza nâm kimesne Galata Bâb Mahkemesi’nde meclis-i şer‘de li-ebeveyn kız karındaşı Şerife Hadice nâm hatun tarafından husûs-ı âti’z-zikrde vekîl olduğu zât-ı mezbûreyi bi’l-mu‘arrefeti’ş-şer‘iyye ârifân Halil b. İbrahim ve Müezzin Abdurrahman b. Abdülbaki nâm kimesneler şehâdetleriyle sâbit olan kezâlik mu‘arrefetü’z-zât diğer Şerife Hadice bt. es-Seyyid Mehmed nâm hatun muvâcehesinde mahalle-i mezkûrede vâki‘ ma‘lûmü’l-hudûd ve’l-müştemilât bir bâb vakıf menzil dört sehm i‘tibârıyla üç sehm-i şâyi‘i müvekkile-i mezbûre Şerife Hadice Hatun’un bi’l-icâreteyn tasarrufumuzda olup lâkin menzil-i mezkûr kābil-i kısmet olmamağla ber-vech-i âtî muhâye’eten zabt u tasarruf etmek matlûbumdur dedikde vekîl-i mezbûre dahi ber-vech-i muharrer ikrâr u i‘tirâf ve muhâye’eten zabt u tasarrufa bi’l-vekâle râzı olmamla işbu târih-i i‘lâm senesi Zilka‘deti’ş-şerîfe’nin on dördüncü gününden üç sene kız karındaşım müvekkile-i mezbûre menzil-i mezkûrda bir sene sâkin olmak üzere herbirimiz ta‘ahhüd eyledik deyü ikrâr ve tasdîkleri tescîl ve huzûr-ı âlîlerine i‘lâm olundu. Fî 14 Ra sene 1221.