Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 334 Hüküm no: 516 Orijinal metin no: [51a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bedros’un komşularının mahremiyetini ihlal eden yeni yaptığı binasını ıslah etmeye söz verdiği Mahrûse-i Galata mahallâtından Bereketzâde Mahallesi imâmı es-Seyyid Ali Efendi ve müezzini es-Seyyid Hasan Efendi ve ahâlîsinden es-Seyyid Mustafa Ağa ve es-Seyyid Süleyman Beşe ve Taşçı Ahmed Ağa mahrûse-i mezbûrede mahfil-i kazâda Bedros zimmî muvâcehesinde mersûm Bedros zimmî anası gāibe ani’l-meclis Maryem Nasrâniye ile ber-vech-i iştirâk mutasarrıf oldukları menzil muhterik oldukda bu esnâda arsası üzerine vaz‘-ı kadîminden ziyâde terfi‘ binâ inşâ dâ‘iyesinde olmalarıyla beynimizde münâza‘ât-ı kesîre vukū‘a gelmişidi el-hâletü hâzihî beynimiz tevfîk ve ıslâh olunup mersûm Bedros mübâşeret eylediği ebniye-i merkūmeyi vaz‘-ı kadîmî ve hey’et-i sâbıkāsı üzere binâya ta‘ahhüd oldukda bizler dahi râzı olup bu vechile kat‘-ı münâza‘a eyledik deyü ikrâr ve tasdîkleri bi’[l]-iltimâs huzûr-ı âlîlerine i‘lâm olundu. Fî 17 Ra sene 1221.