Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 335 Hüküm no: 517 Orijinal metin no: [51a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalyoncu Hüseyin Beşe’nin kardeşi Mustafa Beşe aleyhine açtığı ecr-i misl davasında iddiasını ispat edemediği Kalyoncu Hüseyin Beşe b. Ali nâm kimesne Galata Bâb Mahkemesi’nde meclis-i şer‘de li-ebeveyn karındaşı Mustafa Beşe nâm kimesne muvâcehesinde ben ücret ile hizmet eder makūlesinden olup karındaşım mezbûrun sefîne inşâsı esnâsında talebiyle ücret kavlinsiz altı ay mütevâliyeten eylediğim hizmetimin ecr-i mislini karındaşım mezbûr Mustafa Beşe’den hâlâ taleb ederim deyü da‘vâ eyledikde ol dahi cevâbında külliyyen ba‘de’l-inkâr müdde‘î-i mezbûr ber-vech-i muharrer müdde‘âsına ikāmet-i beyyine edemeyip bi’t-taleb mezbûr Mustafa Beşe ba‘de’t-tahlîfü’ş-şer‘î mûcebince müdde‘î-i merkūm Hüseyin Beşe da‘vâ-yı mezkûresiyle mezbûr Mustafa Beşe bilâ-beyyine mu‘ârazadan men‘ olunduğu bi’[l]-iltimâs [huzûr-ı âlîlerine i‘lâm olundu.] Fî 11 Ra sene 1221.