Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 342 Hüküm no: 531 Orijinal metin no: [52b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkāl Yani v. Lefter’in sade yağ bedelinden Vened v. Yakof aleyhine açtığı alacak davasında iddiasını ispat edemediği Bakkāl tâifesinden Yani v. Lefter nâm zimmî Galata Bâb Mahkemesi’nde meclis-i şer‘de tâife-i merkūmeden Vened v. Yakof nâm zimmî muvâcehesinde mersûm Vened zimmî zimmetinde beher kıyyesi yüz paraya olmak üzere bundan akdem yedimden iştirâ ve kabz eylediği otuz yedi buçuk vakıyye revgan-ı sâde semeninden cem‘an doksan üç guruş otuz para alacak hakkım olmağla hâlâ taleb ederim deyü da‘vâ eyledikde ol dahi cevâbında külliyyen ba‘de’l-inkâr müdde‘î-i mersûm Yani zimmî ber-vech-i muharrer müdde‘âsına ikāmet-i beyyine edemeyip bi’t-taleb mersûm Vened zimmî ba‘de’t-tahlîfü’ş-şer‘î mûcebince müdde‘î-i mersûm Yani zimmî da‘vâ-yı mezkûresiyle mersûm Vened zimmîye bilâ-beyyine mu‘ârazadan men‘ olunduğu bi[‘l]-iltimâs huzûr-ı âlîlerine i‘lâm olundu. Fî 16 Za sene 1221.