Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 852 Hüküm no: 1116 Orijinal metin no: [134a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan Bey b. Kasım’ın, tarlalarının tasarruf hakkını Abdülbâki Bey’e bedeliyle devrettiği Mahmiye-i İstanbul’da İbrahim Paşa sarayı’nda tabbâh olan Hasan Bey b. Kasım meclis-i şer‘-i hatîrde zikr olunan sarayda teberdâr olan bâ‘isü’l-kitâb Abdülbâkī Bey b. ( ) mahzarında ikrâr ve takrîr-i kelâm edip vilâyet-i Anadolu’da Gelikiras kazâsına tâbi‘ Çakıl nâm karye sınırı dâhilinde Cevizlik nâm mevzi‘de vâki‘ lede’l-ahâlî ve’l-cîrân ma‘lûmü’l-hudûd ve’l-kıta‘ babamdan müntakil tarlalarımın hakk-ı tasarrufunu altı ay mukaddem sâhib-i arz ma‘rifetiyle yirmi esedî guruş mukābelesinde mezkûr Abdülbâkī Bey’e ferâğ ve tefvîz edip ol dahi tefevvuz ve kabûl eyledikden sonra bedel-i mezkûr yirmi esedî guruşu merkūm Abdülbâkī Bey yedinden tamâmen ahz u kabz edip mahallinde zabt ve tasarrufa mezbûru taslît eyledim dedikde gıbbe’t-tasdîk mâ hüve’l-vâki‘ bi’t-taleb ketb olundu. Fi’l-yevmi’l-hâmis aşer min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Hasan Bey Bevvâb-ı sultânî, Ali Efendi b. ( ) İmâm-ı Saray-ı İbrahim, Hasan Bey b. Davud, Ömer Bey b. ( ) Serbölük, Mehmed Odabaşı, Seyyid Mehmed Ağa el-Cündî.