Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 852 Hüküm no: 1117 Orijinal metin no: [134a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Murtaza b. Ali’nin, Mehmed b. Abdullah’tan cerime altında haksız olarak aldığı paraların geri verildiği Mahmiye-i İstanbul’da Aksaray kurbunda Yakub Ağa câmi‘i kurbunda sâkin Murtaza b. Ali nâm kimesne meclis-i şer‘-i hatîr-i lâzımü’t-tevkīrde hâlâ mahalle-i mezbûrede vâki‘ sicn-i sultânîde odabaşı olan bâ‘isü’l-kitâb Mehmed b. Abdullah mahzarında ikrâr ve takrîr-i kelâm edip bundan akdem bir husûs için sicn-i mezbûrda haps olundukda mezbûr Mehmed bi gayrı hakkın cerîme deyû bir def‘a yirmi beş guruşumu ve bir def‘a dahi üç buçuk ve bir def‘a dahi iki guruşumu cem‘an otuz buçuk guruşumu ahz ve istihlâk etmekle bundan akdem meblağ-ı mezbûrun mislini mezbûr Mehmed’den taleb ettiğimde ol dahi inkâr etmekle ba‘de’n-nizâ‘ beynimize muslihûn tavassut edip mezbûr Mehmed ile beynimizde on esedî guruş üzerine inşâ-i akd-i sulh ettiklerinde ben dahi sulh-i mezbûru kabûl ve bedel-i sulh olan meblağ-ı mezbûr on esedî guruşu yedinden ahz u kabz edip husûs-ı mezbûra müte‘allika âmme-i de‘âvîden mezbûr Mehmed’in zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledim dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min Ramazâni’l-mübârek li sene seb‘a ve seb‘în ve elf. Şuhûdü’l-hâl: Hasan Çelebi b. Ahmed, çukadâr Hasan Çelebi b. Ahmed, Abdüllatîf Beşe b. Mehmed, Mehmed b. Abdullah.