Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 351 Hüküm no: 547 Orijinal metin no: [54b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dellak Seyyid Hüseyin’in Hamamcı Yusuf Ağa aleyhine açtığı alacak davasında on beş guruşa sulh olduğu Dellâk es-Seyyid Hüseyin b. es-Seyyid İbrahim nâm kimesne Galata Bâb Mahkemesi’nde meclis-i şer‘de Galata muzâfâtından İstinye nâhiyesine tâbi‘ Ortaköy’de sâkin Hammâmî Yusuf Ağa b. Ali nâm kimesne muvâcehesinde mezbûr Yusuf Ağa mârru’z-zikr Ortaköy’de vâki‘ sâkin olduğu hamamında dellâklık etmek için bi-tarîkı’r-rüşve mâlımdan ahz eylediği on beş guruş ve mezbûrun bi-şartü’r-rücû‘ emriyle kendi umûr-ı lâzıme-i ma‘lûmesine mâlımdan masrûfum olan kırk guruş ki cem‘an altmış guruşun yirmi beş guruşunu mezbûr Yusuf Ağa yedinden ba‘de’l-ahz bâkī kalan otuz beş guruş bi’l-mürâca‘a mezbûr Yusuf Ağa’dan taleb ederim deyü tasaddî eylediğim da‘vâmdan bâ-tavassut-ı muslihîn mezbûr Yusuf Ağa ile on beş guruş bedel-i makbûza ba‘de’s-sulh ve’l-kabûl mâ‘adâ yirmi guruşa ve bedel-i sulh-ı merkūma müte‘allika da‘vâdan herbirimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri bi’t-temessük huzûr-ı âlîlerine i‘lâm olundu. Fî 19 Za sene 1221.