Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 353 Hüküm no: 552 Orijinal metin no: [55a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Camcı İsmail’in kira ücretinden Horasancı Haçador’dan yirmi iki buçuk guruş on sekiz para alacağı olduğu Galata hâricinde Şahkulu Mahallesi’nde sâkin Camcı İsmail b. el-Hâc Hasan nâm kimesne Galata’da mahfil-i kazâda Horasancı Haçador v. Yuvan nâm zimmî muvâcehesinde mesfûr horasancı dükkânında beher şehr yirmi iki guruş kirâ ile müstecir olup meblağ-ı mezkûrdan dükkân-ı merkūmda mutasarrıf olduğum hisse-i ma‘lûmeme isâbet eden beher şehr yedi guruş yirmi altı paranın üç ayda zimmetinde müctemi‘a olan yirmi iki buçuk guruş on sekiz para alacak hakkım olmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı mezkûr yirmi iki buçuk guruş on sekiz parayı müdde‘î-i mezbûr İsmail’e edâsıyla mersûm Haçador zimmî ilzâm olunduğu bi[‘l]-iltimâs huzûr-ı âlîlerine i‘lâm olundu. Fî 3 Z sene 1221.