Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 354 Hüküm no: 553 Orijinal metin no: [55a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Despino bt. İskarlato’nun karzdan Maryora bt. Yorgi’den dokuz yüz guruş alacağı olduğu Galata’da Bereketzâde Mahallesi’nde mütemekkin Despino bt. İskarlato Nasrâniye tarafından husûs-ı âti’z-zikrde vekîl-i müsecceli olan Varilci Kostantin v. Andon nâm zimmî Galata Bâb Mahkemesi’nde meclis-i şer‘de mu‘arrefetü’ş-şahs Maryora bt. Yorgi nâm Nasrâniye muvâcehesinde müvekkilem mersûmenin mersûme Maryora Nasrâniye zimmetinde bâ-temessük cihet-i karzdan dokuz yüz guruş alacak hakkı olmağla hâlâ bi’l-vekâle taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr dokuz yüz guruşu müvekkile-i mersûme Despino Nasrâniye için vekîl-i mersûm Kostantin zimmîye edâ ve teslîme mersûme Maryora Nasrâniye’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 17 Zilhicce sene 1221.