Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 354 Hüküm no: 554 Orijinal metin no: [55a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zümrüd ve kız kardeşi Karyana’nın kendilerine küfrettiği iddiasıyla Maryem bt. Partik aleyhine açtıkları tazir davasında iddialarını ispat edemedikleri Galata hâricinde Ketehorya nâm mahalde mütemekkineler ve şahısları mu‘arrefeler Zümrüd ve kız karındaşı Karyana nâm Nasrâniye meclis-i şer‘de kezâlik şahsı mu‘arrefe Maryem bt. Partik Nasrâniye muvâcehesinde mersûm Maryem Nasrâniye târih-i i‘lâm günü ta‘zîri mûcib lafzla bi’l-muvâcehe bize şetm etmekle mûcib-i şer‘îsini taleb ederiz deyü herbiri da‘vâ eylediklerinde ol dahi husûs-ı mezkûru külliyyen ba‘de’l-inkâr müdde‘iyetân-ı mersûmetân ber-vech-i muharrer müdde‘âlarına ikāmet-i beyyine edememeleriyle bi’t-taleb mersûme Maryem Nasrâniye ba‘de’t-tahlîfü’ş-şer‘î mûcebince müdde‘iyetân-ı mersûmetân da‘vâ-yı mezkûreleriyle bilâ-beyyine mu‘ârazadan men‘ olunduğu bi’l-iltimâs [huzûr-ı âlîlerine i‘lâm olundu.] Fî 24 Z sene 1221.