Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 359 Hüküm no: 563 Orijinal metin no: [56a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duhanî Seyyid Halil Çelebi’nin duhan bedelinden Seyyid Ahmed Çelebi’den yedi yüz altmış beş guruş alacağı olduğu Mahmiye-i İstanbul’da sâkin Duhânî es-Seyyid Halil Çelebi b. es-Seyyid Ali nâm kimesne Galata Bâb Mahkemesi’nde meclis-i şer‘de Galata’da sâkin es-Seyyid Ahmed Çelebi b. es-Seyyid Ömer nâm kimesne muvâcehesinde mezbûr es-Seyyid Ahmed Çelebi zimmetinde yedimden iştirâ ve kabz eylediği vezni ve fiyatı beynimizde ma‘lûm duhân semeninden yedi yüz altmış beş guruş iki para alacak hakkım olmağla hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr yedi yüz altmış beş guruş iki parayı müdde‘î-i mezbûr es-Seyyid Halil Çelebi’ye edâsıyla mezbûr es-Seyyid Ahmed Çelebi ilzâm olunduğu bi[‘l]-iltimâs huzûr-ı âlîlerine i‘lâm olundu. Fî 29 Zilhicce sene 1221.