Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 359 Hüküm no: 564 Orijinal metin no: [56a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yağcı Seyyid Ahmed Çelebi’nin duhan bedelinden Seyyid Ali Çelebi’den üç yüz seksen iki guruş alacağı olduğu Galata’da sâkin Yağcı es-Seyyid Ahmed Çelebi b. es-Seyyid Ömer nâm kimesne Galata Bâb Mahkemesi’nde meclis-i şer‘de şerîki es-Seyyid Ali Çelebi b. es-Seyyid Halil nâm kimesne muvâcehesinde mezbûr es-Seyyid Ali Çelebi zimmetinde yedimden iştirâ ve kabz eylediği vezni ve fiyatı beynimizde ma‘lûm duhân semeninden üç yüz seksen iki guruş yirmi bir parayı müdde‘î-i mezbûr es-Seyyid Ahmed Çelebi’ye edâsıyla mezbûr es-Seyyid Ali ilzâm olunduğu bi[‘l]-iltimâs huzûr-ı âlîlerine i‘lâm olundu. Fî-selhi Zilhicce sene 1221.