Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 359 Hüküm no: 565 Orijinal metin no: [56a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yemenici İstefan’ın mahkeme kararıyla Neccar Kalfası Panayot’a ödediği borcunu garaz olduğu iddiasıyla geri istemesinin meşru olmadığı Yemenici İstefan v. Tarandafili Galata’da mahfil-i kazâda neccâr kalfalarından Panayot v. Taşo zimmî muvâcehesinde mersûm Panayot zimmî yedinde olan bir kıt‘a i‘lâm-ı şer‘î nâtık olduğu üzere iki yüz yirmi bir senesi Rebî‘ülevvel’in ikinci günü Kasımpaşa Mahkemesi’nde nâibü’ş-şer‘i’l-kavîm olan Mustafa Nâfiz Efendi huzûrunda benden cihet-i karzdan bâ-temessük doksan guruş da‘vâ ve müdde‘âsını derûn-ı i‘lâm-ı mezkûrda isimleri mastûr ve lede’t-tezkiye şehâdetleri makbûl iki nefer zimmîler ile isbât etmekle mûcebince hâkim-i mûmâ-ileyh meblağ-ı merkūm doksan guruşu benden mersûm Panayot zimmîye vermişidi lâkin benim merkūm Panayot zimmîye deynim olmayıp garaza binâen isbât etmiş olmağla meblağ-ı merkūmu istirdâd murâdımdır deyü tasaddî eylediği da‘vâsına iltifât olunmadığı bi[‘l]-iltimâs [huzûr-ı âlîlerine i‘lâm olundu.] Fî 2 Muharrem sene 1222.