Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 360 Hüküm no: 567 Orijinal metin no: [56b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tâcir Papa Limadora’nın Petraki v. Yorgi’nin alacak hususunda zimmetini ibra ettiği Mahmiye-i İstanbul’da Vâlidehanı’nda mütemekkin tüccârdan Papa Limadora v. Dimitri Galata Bâb Mahkemesi’nde meclis-i şer‘de Şıra Adası ahâlîsinden Petraki v. Yorgi zimmî muvâcehesinde mersûm Petraki zimmî zimmetinde Rûmiyyü’l-ibâre bir kıt‘a deyn temessükü mantûkunca cihet-i karzdan alacak hakkım olan üç bin üç yüz altmış dokuz guruşun iki bin altı yüz elli guruş mukābelesinde bana bâtten bey‘ ve temlîk ve teslîm eylediği biri elmaslı ve biri Ruhâvî çalar iki aded altın kutuları ben dahi iştirâ ve temellük ve tesellüm ve kabz ve kabûl edip bâkī zimmetinde kalan yedi yüz on dokuz guruşa müte‘allika da‘vâdan mersûm Petraki zimmînin zimmetini meccânen ibrâ ve iskāt eyleyip ol dahi ber-vech-i muharrer ibrâ-i mezkûrumu kabûl eyledi deyü ikrâr ve tasdîkleri tescîl ve bi’l-iltimâs. Fî 7 Muharrem sene [1]222.