Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 361 Hüküm no: 569 Orijinal metin no: [56b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kahveci Hasan Beşe’nin karzdan Ahmed Beşe’den üç yüz seksen guruş alacağı olduğu Galata hısnı ebvâbından Azabkapısı hâricinde sâkin Kahveci Hasan Beşe b. Ebîbekir nâm kimesne Galata Bâb Mahkemesi’nde meclis-i şer‘de Ahmed Beşe b. Ahmed nâm kimesne muvâcehesinde mezbûr Ahmed Beşe zimmetinde bâ-temessük cihet-i karzdan üç yüz seksen guruş alacak hakkım olmağla hâlâ taleb ederim deyü da‘vâ eyledikde ol dahi ber-vech-i muharrer tâyi‘an ve kat‘iyyen ikrâr u i‘tirâf etmeğin mûcebince meblağ-ı mezkûr üç yüz seksen guruşu müdde‘î-i mezbûr Hasan Beşe’ye edâsıyla mezbûr Ahmed Beşe ilzâm olunduğu huzûr-ı âlîlerine i‘lâm olundu. Fî 6 Muharrem sene [1]222.