Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 362 Hüküm no: 570 Orijinal metin no: [56b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müezzin Hâfız Mehmed Efendi ile Halatçı İsmail Ağa’nın birbirleri aleyhlerine açtıkları tazir davasından vazgeçtikleri Galata’da Emekyemez Mescid-i şerîfi müezzini Hâfız Mehmed Efendi b. Süleyman nâm kimesne Galata Bâb Mahkemesi’nde meclis-i şer‘de câr-ı mülâsıkı Halatçı İsmail Ağa b. Hüseyin nâm kimesne muvâcehesinde mezbûr İsmail Ağa târih-i i‘lâmdan bir gün mukaddem mescid-i merkūm derûnunda şütûm-ı galîza ile bi’l-muvâcehe bana şetm ve Yatağan bıçağı ile üzerime hücûm etmekle mûcib-i şer‘îsi mezbûr İsmail Ağa’dan taleb ederim deyü da‘vâ ettikde mezbûr İsmail Ağa dahi mahalle-i mezbûrede sâkin olduğum menzilim kapısını depip mûcib-i şer‘îsini taleb ederim deyü da‘vâ eyledikde herbiri âharın müdde‘âsını inkâr-birle her biri tasaddî eyledikleri da‘vâlarından meccânen fâriğler olup husûs-ı mezkûra müte‘allika da‘vâdan herbiri âharın zimmetini kabûlü hâvî ibrâ ve iskāt eyleyip kat‘-ı münâza‘a eyledikleri tescîl ve bi[‘l]-iltimâs huzûr-ı âlîlerine i‘lâm olundu. Fî 8 M sene 1222.