Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 362 Hüküm no: 571 Orijinal metin no: [56b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerbetçi Avanis v. Ağya ile Saka Vartan v. Nehabet’in iptal edilen veresiye gedik satışı davasından birbirlerinin zimmetlerini ibra ettikleri Galata hâricinde Ketehorya nâm mahalde mütemekkin Şerbetçi Avanis v. Ağya nâm zimmî Galata Bâb Mahkemesi’nde meclis-i şer‘de Saka Vartan v. Nehabet nâm zimmî muvâcehesinde mersûm Vartan zimmî meclis-i merkūmda vâki‘ bir bâb şerbethâne derûnunda mevcûde beyne’l-esnâf şerbetçi gediği tâ‘bir olunur yedinde emvâlim olan [eşyâ-i] lâzıme-i ma‘lûmesini bundan akdem iki yüz kırk guruş semen tesmiyesiyle nesî’eten bana bey‘ ve temlîk ve teslîm ve semen-i mezkûru karz unvânıyla yedine bir kıt‘a deyn temessükü dahi vermişidim târih-i i‘lâm günü bey‘-i mezkûru bi’t-terâzî beynimizde fesh ve ikāle-birle ben âlât-ı mezkûreyi mersûm Avanis zimmîye redd ü teslîm ol dahi temessük-ı merkūmu bana def‘ ve teslîm edip husûs-ı mezkûra müte‘allika da‘vâdan her birimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri tescîl ve bi[‘l]-iltimâs huzûr-ı âlîlerine i‘lâm olundu. Fî 8 M sene 1222.