Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 366 Hüküm no: 580 Orijinal metin no: [57b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vartan v. Nehabet’in Aci Avanis v. Ağya’dan ikrarı üzere iki yüz guruş alacağı olduğu, ziyade iddiasını ispat edemediği Sâhib-i arzuhâl Vartan v. Nehabet nâm zimmî Galata Bâb Mahkemesi’nde meclis-i şer‘de derûn-ı arzuhâlde mersûmü’l-ism Aci Avanis v. Ağya nâm zimmî muvâcehesinde mersûm Aci Avanis zimmî zimmetinde bâ-temessük cihet-i karzdan iki yüz guruş ve hâric ez-temessük yüz seksen bir guruş ki cem‘an üç yüz seksen bir guruş alacak hakkım olmağla hâlâ taleb ederim deyü da‘vâ ettikde ol dahi cevâbında müdde‘î-i mesfûr Vartan zimmîye bâ-temessük cihet-i merkūmeden iki yüz guruş el-yevm zimmetinde deyni olduğunu tâyi‘an ve kat‘iyyen ikrâr ziyâde yüz seksen bir guruşu ba‘de’l-inkâr müdde‘î-i mesfûr Vartan zimmî ber-vech-i muharrer ziyâde yüz seksen bir guruş müdde‘âsını isbâta ba‘de’l-havâle mersûm Aci Avanis zimmînin ikrârı mûcebince lâzım gelen meblağ-ı mezkûr iki yüz guruşun müdde‘î-i mesfûr Vartan zimmîye edâsıyla mersûm Aci Avanis zimmî ilzâm olunduğu bi[‘l]-iltimâs huzûr-ı âlîlerine i‘lâm olundu. Fî 24 Za sene 1221.