Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 367 Hüküm no: 583 Orijinal metin no: [58a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Büluğ çağına giren Şerife Fâtıma’nın velâyetinin babası Seyyid Mehmed Çelebi’ye verildiği es-Seyyid Mehmed Çelebi b. es-Seyyid Mehmed Galata’da mahfil-i kazâda zevce-i mutallakası zâtı mu‘arrefe Mahbûbe bt. Hızır muvâcehesinde hâl-i zevciyyet beynimizde kāime iken firâşımdan hâsıla ve mezbûreden mütevellide işbu hâzır bi’l-meclis kızım Şerife Fâtıma on üç yaşını tekmîl ile müşteheyâtdan olup hıdâneden sâkıta olmağla sagīre-i mezbûreyi bana teslîme tenbîh olunmak matlûbumdur deyü da‘vâ eyledikde ol dahi cevâbında hâl vech-i muharrer üzere olduğunu bi-tav‘ihâ ikrâr u i‘tirâf etmeğin mûcebince sagīre-i mezbûre babası müdde‘î-i mezbûra teslîme mezbûre Mahbûbe Hatun’a tenbîh olunduğu bi’l-iltimâs [huzûr-ı âlîlerine i‘lâm olundu.] Fî 8 Muharrem sene 1222.