Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 367 Hüküm no: 584 Orijinal metin no: [58a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Reis ve Mustafa Beşe’nin sefîne ücretinden ve karzdan Süvari Reisi Anaştaş v. Tano’dan kırk altı guruş alacakları olduğu <> Ashâb-ı sefâyinden olup husûs-ı âtîde kendi nefsinden asîl ve Mustafa Beşe b. Ahmed b. Abdullah tarafından ber-vech-i câ’î vekîl olduğu Ahmed b. Mehmed Usta ve diğer Ahmed Beşe b. Ali şehâdetleriyle sâbit olan İbrahim Reis b. Hasan Galata Bâb Mahkemesi’nde meclis-i şer‘de zikri âtî sefînesinde süvâri reisi olan Anaştaş v. Tano zimmî muvâcehesinde benim reis-i mesfûr zimmetinde ba‘de külli’l-hesâb sefîne ücretinden alacağım olan on altı guruş ve müvekkilim mezbûr Mustafa Beşe’nin dahi cihet-i karzdan alacağı olan otuz guruş ki cem‘an kırk altı guruş bize vermemekle hâlâ taleb ederim deyü bi’l-asâle ve bi’l-vekâle da‘vâ eyledikde ol dahi cevâbında ber-vech-i muharrer ikrâr u i‘tirâf etmeğin mûcebince meblağ-ı mecmû‘-ı merkūm kırk altı guruşu müdde‘î-i mezbûr İbrahim Beşe’ye edâsıyla mersûm Anaştaş zimmî ilzâm olunduğu bi’l-iltimâs [huzûr-ı âlîlerine i‘lâm olundu.] Fî 11 Muharrem sene 1222.