Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 369 Hüküm no: 587 Orijinal metin no: [58a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hapiste bulunan Seyyid Ali Çelebi’nin alacaklısı Mahmud Beşe huzurunda fakirliğini şahitlerle ispat etmesi üzerine tahliyesine karar verildiği Tüccârdan Mahmud Beşe nâm kimesneye cihet-i deyn-i şer‘îden bin beş yüz guruşdan bâkī iki yüz elli guruş bâ-i‘lâm-ı şer‘î mahkûmün-bih deyni için müddet-i vâfireden beri mahbûs olduğu dâyin-i merkūmun tasdîkiyle zâhir olan es-Seyyid Ali Çelebi b. Osman nâm kimesne Galata’da mahfil-i kazâda dâyin-i merkūm Mahmud Beşe b. Mehmed Salih muvâcehesinde ben fakīr ve mu‘dim olup lâbis olduğum köhne libâsımdan gayrı ism-i mâl ıtlâk olunur nesnem yokdur deyü asârını iddi‘â ve dâyin-i merkūm es-Seyyid Ali Çelebi’den medyûn-ı mezbûrun yesârını da‘vâ ve isbâta kādir olmamağla mahbûs-ı merkūm ber-vech-i muharrer mu‘dim ve mu‘sir olduğu tüccârdan Osman b. Ömer ve Mehmed Emin b. Ali nâm kimesneler şehâdetleriyle merkūm Mahmud Beşe muvâcehesinde vech-i şer‘î üzere sâbit olmağın mûcebince medyûn-ı mezbûrun yesârı sâbit olmadıkça habs lâzım gelmediği huzûr-ı âlîlerine i‘lâm olundu. Fî 15 Muharrem sene [1]222.