Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 371 Hüküm no: 592 Orijinal metin no: [58b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çivici Avram v. Vikardo’nun Nikoli v. Luizo ile alacak hususunda sulh olup sulh bedelini tahsil ettiği Galata’da mütemekkin Çivici Avram v. Vikardo nâm Yahûdi Galata Bâb Mahkemesi’nde meclis-i şer‘de neccâr kalfalarından Nikoli v. Luizo nâm zimmî muvâcehesinde mersûm Nikoli zimmî zimmetinde vezn ve fiyatı beynimizde ma‘lûm çivi semeninden alacak hakkım olan dokuz yüz altmış yedi guruş mersûm Nikoli zimmî ile bundan akdem dört yüz elli guruşa ba‘de’s-sulh ve’l-kabûl mâ‘adâ beş yüz on yedi guruşa müte‘allika da‘vâdan mersûm Nikoli zimmînin zimmetini kabûlü hâvî ba‘de’l-ibrâ bedel-i sulh-ı mezkûr dört yüz elli guruşun yüz guruşunu bundan akdem yedinden ahz ve üç yüz elli guruşunu dahi mersûm Nikoli zimmî işbu meclis-i şer‘de bana tamamen edâ ve teslîm ben dahi bi[‘l]-iltimâs ahz u kabz eyledim deyü ikrâr ve tasdîkleri tescîl ve huzûr-ı âlîlerine i‘lâm olundu. Fî 19 M sene 1222.