Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 371 Hüküm no: 593 Orijinal metin no: [58b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin b. Hüseyin’in karısı Şerife Emine Hatun aleyhine açtığı itâatsizlik davasında davalıya kocasına itâat etmesinin tembih olunduğu Galata’da Câmi‘-i kebîr Mahallesi’nde sâkin Mehmed Emin b. Hüseyin nâm kimesne Galata Bâb Mahkemesi’nde meclis-i şer‘de zevce-i menkûha-i medhûlün-bihâsı zâtı mu‘arrefe Şerife Emine bt. es-Seyyid Osman nâm hatun muvâcehesinde mezbûr Şerife Emine Hatun iki yüz guruş mehr-i mu‘accel ve yetmiş iki buçuk guruş mehr-i müeccel tesmiyesiyle zevce-i medhûlün-bihâm olup lâkin bana itâ‘at ve inkıyâddan ibâ vü imtinâ‘ etmekle suâl olunup itâate tenbîh olunmak matlûbumdur deyü da‘vâ eyledikde zevce-i mezbûre dahi cevâbında ber-vech-i muharrer ikrâr lâkin mu‘accel-i merkūmu bana teslîm etmeyip zimmetinde kalmağla taleb ederim deyü ba‘de’d-da‘vâ ve’l-ikrâr mûcebince mu‘accel-i merkūm iki yüz guruşu zevcesi mezbûre Şerife Emine Hatun’a edâ ve teslîme zevci mezbûr Mehmed Emin’e tenbîh olunup mu‘accel-i merkūm ba‘de’t-teslîm zevci mezbûra itâ‘at ve inkıyâda zevcesi mezbûre Şerife Emine Hatun’a tenbîh olunduğu bi’[l]-iltimâs huzûr-ı âlîlerine i‘lâm olundu. Fî 15 M sene 1222.