Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 72 Hüküm no: 62 Orijinal metin no: [26-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Efraim v. Samso’nun, oğlu Mosi’yi başından yaralayan Petro v. Nikola’yı dava etmesi Oldur [ki], Havâss-ı aliyye muzâfâtından Hasköy mahallâtından Keçeciler mahallesinde sâkin Efraim v. Samso nâm Yahûd meclis-i şer‘-i hatîr-i lâzımü’t-tevkīrde takrîr-i kelâm edüp oğlu Mosi nâm sagīr kendi hâlinde Üvez nâm Yahûdî’nin bağçesinde giderken Petro v. Nikola nâm zimmî oğlum mezbûr Mosi’nin başından tûlen üç parmak ve arzan bir parmak mikdâr şec eylemiş bi-hasebi’ş-şer‘ görülmesin taleb ve da‘vâ ederin dedikde merkūm Petro nâm zimmîye suâl olundukda [i]nkâr ile cevâb verip mezbûr Aprim’den da‘vâsına mutâbık beyyine taleb olundukda udûl-i Müslimînden Hasan b. Ali ve Mustafa b. Abdullah nâm kimesneler li-ecli’ş-şehâde hâzırân olup müdde‘î-i mezbûrun sulbî oğlu mezbûr Mosi’nin başını merkūm Petro taş ile vurdu. Bizim mahzarımızda biz gördük deyü şehâdet-i şer‘iye edüp şehâd[etler]i hayyiz-i kabûlde vâki‘ olup mâ-vaka‘a mezbûr Petro merkūm sagīrin başını şec edüp merkūm Petro nâm zimmî Şaban mahallesinde sâkin (…) [27] (…) Bey b. Abdullah nâm kimesne kefîl bi’n-nefs olup mezbûr Aprim nâm Yahûdî’nin talebiyle ketb olundu. Tahrîren fî-evâil-i Cumâdelûlâ li-sene erba‘a ve işrîn ve elf. Şuhûdü’l-hâl: Ali b. Abd, Selman b. Ramaza[n], Hızır b. Nasuh ve gayruhum mine’l-hâzırîn