Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 73 Hüküm no: 64 Orijinal metin no: [27-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hastalanarak ölen Pilom v. Foni’nin techiz için parasının olmadığı Havâss-ı aliyye muzâfâtından Hasköy mahallâtından Abdüsselam mahallesinde vâki‘ Haydar Çavuş Fırını demekle ma‘rûf kiremidci fırınında Yako v. Tod ve Leco v. ( ) nâm zimmîler meclis-i şer‘-i hatîr-i lâzımü’t-tevkīrde takrîr-i kelâm edüp Pilom v. Foni nâm zimmî bizim ile zikri sebk eden fırında kiremit işlemek içün yetişmiş idi. Lâkin bi-emrillâhi te‘âlâ hasta oldu işlemedi ve ol <> hastalıkdan halâs bulmayıp helâk oldu. Techîz ve tekfîne bir akçe ve bir habbesi yokdur. Mühlek-i mezbûrun üzerine varıp görülmesin taleb ederiz dediklerinden sonra mühlek-i mezbûrun üzerine varup mâ-vaka‘a mezbûr Pilo[m]’un bir akçesi ve bir habbe[si] yok idi. İnde’l-ahâlî ve’l-cîrân ma‘lûm olunup bu hurûf ketb olundu merkūmân Yako ve Leco nâm zimmîlerin yedlerine def‘ olundu ki vakt-i hâcette ihticâc (…).