Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 80 Hüküm no: 79 Orijinal metin no: [33-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Şaban mahallesinde Nikola isimli zimmînin evinde kadın erkek içki içildiği Bi’l-fi‘il hâssa gümrükcü?, hâlen za‘îmü’l-vakt olan sipâhi Mehmed Bey b. Abdullah nâm cündî mahfil-i kazâya gelip takrîr-i kelâm edüp karye-i mezbûre [mahallât]ından el-Hâc Şaban mahallesinde Nikola nâm zimmînin hânesinde birkaç fâhişe nâm ricâlden ve nisvândan bir menzilinde oturup şurb-i hamr ederler. Kıbel-i şer‘den üzerlerine varılıp vâki‘ hâli keşf ve sicil olunmasın taleb ederim dedikde zeyl-i kitâbda masturü’l-esâmî olan Müslimânlar ile mahâll-i mezbûra nazar olundukda fi’l-vâki‘ mezbûr Nikola nâm zimmînin hânesinde İsmihan bt. Abdullah nâm avrat Mehmed b. Mustafa ve diğer Mehmed b. ( ) nâm emred ile meclis âlâtıyla bir yerde oturup şurb-i hamr ederlerken müşâhede olundukda mezbûre İsmihan’a seni kim getirdi deyü suâl olundukda mezbûre İsmihan beni Mehmed refîkim getirüp içmeğe deyü şurb-i hamr eylediklerini ikrâr ve i‘tirâf eylediklerinde mezbûr za‘îmü’l-vakt olan Mehmed Bey’e ahz ettirüp talebiyle ketb olundu. Hurrire fî-âhir-i Rebî‘ li-sene selâse ve selâsîn ve elf. Şuhûdü’l-hâl: Ahmed Çelebi b. Mustafa, Ali b. Ali, Mehmed Paşa b. Abdullah, Yusuf b. Abdullah, Mehmed Paşa b. Abdullah, Ali Bey b. Mustafa el-Cündî, Ahmed Çelebi (…)