Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 89 Hüküm no: 95 Orijinal metin no: [38-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râbia bt. Hasan’ın Ahmed Çelebi mahallesindeki evini istiğlal yoluyla ile satması Havâss-ı aliyye kazâsına tâbi‘ Hasköy mahallâtından Ahmed Çelebi mahallesinde sâkine Râbia bt. Hasan nâm Hatun meclis-i şer‘-i hatîr-i lâzımü’t-tevkīrde işbu bâ‘isü’l-kitâb el-Hâc Mustafa b. Nurullah mahzarında bi’t-tav‘i’s-sâf ikrâr ve takrîr-i kelâm edüp silk-i mülkümde münselik olup mahalle-i mezbûrede vâki‘ bir tarafdan Defterdâroğlu Mahmud Çelebi mülkü ve bir tarafdan Belkıs Hatun mülkü ve bir tarafdan mezbûr el-Hâc Mustafa mülkü ve bir tarafdan tarîk-ı âm ile mahdûd ve mümtâz olan mülk menzilimi cümle tevâbi‘ ve levâhıkı ile merkūm el-Hâc Mustafa’ya nakd-i râyic fi’l-vakt on bin akçeye bey‘ edüp ol dahi bi-tarîkı’l-istiğlâl iştirâ edüp kabz-ı semen-i ma‘dûd ve teslîm-i mebî‘-i mahdûd eylediğimden sonra zikrolunan menzili ba‘de’t-tahliyeti’ş-şer‘iyye yine târih-i kitâbdan sene tamamına değin mezbûr el-Hâc Mustafa’dan bin beş yüz akçeye istîcar (...) üzre îcâr ve tesellüm eyledi (...) [39] (...) vicâhî menzil-i mezbûrun derkine ve ücret-i mu‘ayyenesine zevci Ahmed Çelebi b. Mehmed nâm kimesne tarafeynden emr [ve] kabûlü hâvîye kefâletle kefîl oldukda mâ vaka‘a bi’t-taleb ketb olundu. Hurrire fî-târîhi’l-mezbûr. Şuhûdü’l-hâl: ( )