Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 91 Hüküm no: 98 Orijinal metin no: [39-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arabkir’de Eğin kazasındaki bağını satması <> Vilâyet-i Anadolu’da vâki‘ Arabkir sancağında Eğin kazâsına tâbi‘ Vank nâm karye sükkânından Arzuman v. Bahadır nâm Ermeni meclis-i şer‘-i hatîr-i lâzımü’t-tevkīrde işbu bâ‘is-i hâze’s-sifr li-ebeveyn karındaşı Mikayil nâm Ermeni muvâcehesinde bi’t-tav‘i’s-sâf ikrâr ve takrîr-i kelâm edüp (…) yine karye-i mezbûrede (…) [40] ve mümtâz olan bir kıt‘a mülk bağımı karındaşım merkūm Mikâyil’e tâmmü’l-vezn sahîhü’l-ayâr on altı kıt‘a riyâlî kebîr guruşa tarafeynden îcâb [ve] kabûlü hâvî bey‘-ı bâtt-ı sahîh-i şer‘ ile bey‘ edüp kabz-ı semen-i ma‘dûd ve cümle mebî‘-i mezbûru mahâllinde kabza taslît eyledim. Ol dahi vech-i mübeyyen üzre iştirâ ve tesellüm ve temellük eyledi. Ba‘de’l-yevm zikrolunan bağ-ı merkūm Mikâyil[‘in] mülk-i müşterâsıdır. Keyfe mâ yeşâ ve yahtâr mutasarrıf olsun dedikde mukırr-ı merkūmun ikrâr-ı meşrûhunu el-mukarru lehu’l-mezbûr Mikayil bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî-evâhir-i Recebi’l-mürecceb li-sene selâse ve hamsîn ve elf. Şuhûdü’l-hâl: Gazal v. Keşiş, Nikola v. Cafer, Ando v. Aznaver, Hanem v. Aznaver, Murad v. Agnar, Hazar v. Hanem