Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 119 Hüküm no: 168 Orijinal metin no: [68-1; Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ergiri v. Danye?’nın bir evi ile üç kürümünü (üzüm bağını) Mehmed Bey b. Şaban’a sattığı Hazre[ti Ebû Eyyûb] el-Ensârî nâhiyelerinden …? nâhiyesi tevâbi‘inden …?’de sâkin olan Ergiri v. Danye? [ikrâr edip] hâfız-ı hâze’l-kitâb Fahrü’l-akrân Mehmed Bey b. Şa‘bân el-Cündî’ye işbu akdin sudûruna değin mülkünde ve yedinde ve taht-ı tasarrufunda olan karye-i mezbûrede vâki‘ bir tarafdan ...? v. Harito mülkü ile ve bir tarafdan arz-ı hâliye ile ve [bir tarafdan] vâdî ile ve bir tarafdan tarîk-ı âmm ile mahdûd olan bir ev ile [karye-i] mezkûrede vâki‘ üç kürümünü ki, kürümün biri [bir tarafdan] Yani v. H..? Yahûdi? kürümü ve bir tarafdan Hızır Çavuş kürümü ve iki tarafdan Andriya v. Lazari kürümü ile mahdûd ve ikinci kürüm bir tarafdan Mustafa b. Abdullah kürümü ve iki tarafdan Nikola v. Hrito kürümü ile mahdûd ve üçüncü kürüm de iki tarafdan mezbûr Nikola v. Hrito [kürümü] ve iki taraftan arz-ı hâliye ile mahdûddur, cümle tevâbi‘i ve kâffe-i menâfi‘i ile safka-i vâhidede miktârı ve nisâbı râyic fi’l-vakt beş bin fıddî Osmânî akçe semen-i mu‘ayyen-i makbûza bey‘ ve iştirâ‘-i sahîhayn-i şer‘iyeyn ile bey‘ettikde ol dahi kendi malıyla istiğlâl için iştirâ edip ba‘de’t-tahliye ve’t-takābuz zeyl-i kitâbın târihinden sene-i kâmile tamamına değin bu müddet içinde altı yüz akçe-i mu‘ayyeneye yine kendisi îcâr ve istîcar-ı sahîhayn-i şer‘iyen ile îcâr ettiğini ve onun dahi ona kiraladığını ikrâr ve i‘tirâf-ı sahîhayn eyledikde men lehu’t-tasdîk kıbelinden dahi vicâhen tasdîk olundu. Cerâ zâlike ve hurrire fi’l-yevmi’s-sânî aşer min-Cumâdelûlâ li-sene ihdâ ve selâsin ve elf. Şuhûdü’l-hâl: Mustafa Halîfe b. Sürûrî el-imâm, Mehmed Bey b. Ivaz el-Cündî, Yakub Bey b. Aydın, Ömer Bey b. Mustafa, Mehmed Bey b. Hasan, İlyas b. Mehmed, Hasan Beşe b. Mehmed er-râcil Beyaz Sahîh