Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 126 Hüküm no: 183 Orijinal metin no: [76-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nacader v. Menas’ın Eğin kasabasındaki ev ve bağ hissesini satması Fi’l-asl vilâyet-i Anadolu’da Eğin kasabası sükkânından Nacader v. Menas nâm Ermeni meclis-i şer‘-i hatîr-i lâzımü’t-tevkīrde Yakob v. Marat nâm Ermeni muvâcehesinde ikrâr ve i‘tirâf edüp kasaba-i mezbûrda vâki‘ bir cânibi Maslom v. ( )nâm Ermeni mülkü ve bir cânibi Gülhan v. Serek mülkü ve bir tarafı tarîk-ı âm ve bir tarafı arsa-i hâliye ile mahdûd olup iki bâb tahtânî odaları müştemil olan mülk menzilde nısf hissemi ve yine Koçan karyesi kurbünde vâki‘ bir cânibi Kara Ali veresesi bağları ve bir tarafı Ferhad bağları ve tarîk-ı âm ile mahdûd tahmînen iki dönüm bir kıt‘a mülk …? bağdan nısf hisse-i şâyi‘amı bi-safkatin vâhidetin mersûm Yakob’a beş bin akçeye bey‘-ı kat‘î ile bey‘ edüp ol dahi minvâl-i muharrer üzre iştirâ ve kabûl eyleyip semeni olan meblağ-ı mezbûr beş bin akçeyi mesfûr Yakob yedinden tamamen ahz u kabz eylediğimden sonra zikirleri sebk eden menzil ve bağdan nısf hisse-i şâyi‘amı mahâllinde ahz u kabza ve zabt ve tasarrufa mersûm Yakob’u taslît eyledim dedikde gıbbe’t-tasdîkı’ş-şer‘î mâ hüve’l-vâki‘ bi’l-ibtigā ketb olundu. Fi’l-yevmi’s-sâlis min-Şevvali’l-mükerrem fî-şuhûr-i sene isneteyn ve seb‘în ve elf. [Şuhûdü’l-hâl:] Receb Efendi b. ( ) el-Kādî, Şaban Bey b. Mehmed, Mehmed Bey el-…?, Mahmud Çelebi b. Mehmed Bağdasar v. Kaspar, Sahak v. Agop, Mircan v. Eymircan, Avanos v. Kadi, Bagas v. Serkiz, Şahab v. Sahak, Vernan v. Yapok ve gayruhum mine’l-hâzırîn