Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 129 Hüküm no: 189 Orijinal metin no: [81-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Lataro bt. Nikola ile Franko v. Yorgi’nin nikahlandığı Mahrûse-i Galata’ya tâbi‘ Beşiktaş kasabası sükkânından Lataro bt. Nikola nâm Nasrâniye meclis-i şer‘-i hatîr-i lâzımü’t-tevkīrde işbu bâ‘isü’s-sifr Franko v. Yorgi nâm zimmî tarafından husûs-ı câi’z-zikri akde vekîl olup Yani v. Yorgi ve Yolez v. Yani nâm zimmîler şehâdetleri ile şer‘an vekâleti sâbite olan Diyako v. Yani nâm zimmî muvâcehesinde ikrâr ve i‘tirâf edip müvekkile-i mezbûru Franko’ya elli kıt‘a riyâlî guruş mehr-i müeccel üzerine nefsimi tezvîc ve inkâh eyledim dedikde vekîl-i merkūm Diyako dahi mersûm Lataro’yu müvekkile-i merkūm Franko için elli guruş mehr-i müeccele tezevvüc ve kabûl eyledim dedikde gıbbe’t-tasdîkı’ş-şer‘î mâ-hüve’l-vâki‘ bi’l-ibtigā ketb olundu. Fi’l-yevmi’l-hâdî [ve]’l-işrîn min-Şevvali’l-mükerrem min-şuhûri sene isneteyn ve seb‘în ve elf. Şuhûdü’l-hâl: Mahmud Çelebi b. Mehmed, Dilaver Bey b. Abdullah, İbrahim Beşe b. Dilaver, Mehmed b. ( ) el-muhzır, Mehmed b. ( ) el-muhtesib, Hüseyin Beşe b. Mahmud, Ali Beşe b. Abdullah Beşe huddâm ve gayruhum mine’l-hâzırîn