Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 63 Hüküm no: 3 Orijinal metin no: [2a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Yusuf’un kendisine ve yanında bulunan küçük kızına nafaka takdir olunması Mahmiye-i Kostantıniyye mahallâtından el-Hâc Hamza mahallesinde sâkine olan Emine bt. Yusuf nâm hatun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup Ali Çelebi b. ( ) nâm zevc-i gāibinin nafaka ve nafaka cinsinden bir şey bırakmadığına veyâ göndermediğine dâir yemîn ettiğinde hâkim-i muvakkı‘-ı a‘lâhu el-mutavakkı‘ rızâi rabbihi ve mevlâhu, kendisinin ve Âişe nâm sagīre kızının nafakası, kisvesi ve sâir havâic-i zarûriyesi için zeyl-i kitâbda mezkûr târîhden i‘tibâren yevmî râyicü’l-vakt yedi akçe farz ve takdîr etti. Hâkim-i mûmâ-ileyh meblağ-ı mefrûzu kendi nefsinin ve sagīre-i mezbûrenin havâyicine sarfa ve lede’l-hâce istidâne edip vakt-i zaferde zevc-i gāibine rücû‘a mezbûre Emine Hatun’a izin verdi. Cerâ zâlik ve hurrire fi’l-yevmi’r-râbi min-Cumâdelâhire li-seneti ihdâ ve semânîn ve elf. Şuhûdü’l-hâl: Ahmed Efendi b. ( ) el-imâm, Ali Beşe b. ( ), Hüseyin Beşe b. ( ), Ahmed Çelebi b. ( ), Mehmed Bey b. Abdullah, Şükrullah Bey b. Mustafa.