Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 67 Hüküm no: 9 Orijinal metin no: [2b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hemsaye Hatun’un Rus asıllı cariyesi Mülayim’i azat etmesi Mahmiye-i İstanbul’da Muhtesib İskender mahallesinde sâkine Hemsaye bt. Abdullah nâm hatun tarafından husûs-ı âti’l-beyânı ikrâra vekîl olduğu zâtını ma‘rifet-i şer‘iyye ile ârifân Süleyman Efendi b. Mustafa el-müezzin ve Mehmed Çelebi b. Ebubekir nâm kimesneler şehâdetleri ile sâbit olan zevci Halil Bey b. İbrahim nâm kimesne meclis-i şer‘-i şerîfde ikrâr ve takrîr-i kelâm edip müvekkilem mezbûre Hemsaye kendüye rıkkını mu‘terife olan işbu orta boylu açık kaşlı sarı elâ gözlü Rusiyyetü’l-asl Mülayim bt. Abdullah nâm câriyesin hasbeten lillâhi’l-aliyyi’l-azîm ve taleben li-merzâti’r-rabbi’r-rahîm malından tahrîr ve i‘tâk edip ve sâir ahrâr-ı asliyât [3a] si[l]kine ilhâk ve idrâc eyledi, ba‘de’l-yevm mezbûre Mülayim sâir harâir-i asliyât gibi hürre olup üzerinde velâdan gayrı hakkı kalmadı dedikde mâ-vaka‘a bi’t-taleb ketb olundu. Fi’l-yevmi’s-sâdis min-Cumâdelâhire li-sene ihdâ ve semânîn ve elf. Şuhûdü’l-hâl: es-Seyyid Mehmed Efendi b. Mustafa el-imâm, es-Seyyid Salih Çelebi b. Ebubekir, Yorgancı Mehmed Bey b. İbrahim, Yusuf b. Abdullah fenerci.