Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 70 Hüküm no: 14 Orijinal metin no: [3b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Halil’in eşi Mehmed’den muhâlaa yoluyla boşanması Mahmiye-i İstanbul’da Hadîce Sultan mahallesi sâkinelerinden Âişe bt. Halil nâm hatun meclis-i şer‘-i şerîfde zevci işbu bâ‘isü’l-kitâb Mehmed b. Osman nâm kimesne mahzarında ikrâr ve takrîr-i kelâm edip zevcim mezbûr Mehmed zimmetinde mütekarrir ve ma‘kūdün-aleyh olan iki bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Mehmed ile muhâla‘a-i sahîha-i şer‘iyye ile muhâla‘a olup, ol dahi hul‘-ı mezbûru kabûl eyledikden sonra [hukūk-ı] zevciyete müte‘allıka âmme-i de‘âvî ve mutâlebât ve eymân ve muhâsamâtdan her birimiz âharın zimmetini ibrâ-i âmm-ı kâtı‘u’n-nizâ‘ ile ibrâ ve iskāt eyledik dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sâdis min-Cumâdeluhrâ li-seneti ihdâ ve semânîn ve elf. Şuhûdü’l-hâl: Şükrullah Bey b. Mustafa, İbrahim Çelebi b. Ahmed, Hasan Efendi b. ( ), Mehmed b. Ramazan.