Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 88 Hüküm no: 38 Orijinal metin no: [8a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Yusuf’un koyun bedelinden Mehmed Beşe’deki alacağının varislerince tahsil olunması Havâss-ı refî‘a kazâsı muzâfâtından kasaba-i Çatalca’da Yunus Bey mahallesi ahâlîsinden iken bundan akdem vefât eden el-Hâc Yusuf b. Sinan’ın verâseti zevce-i metrûkesi Saliha bt. Mehmed nâm hatun ile sulbî sagīr oğlu Mustafa ve sulbiye sagīre kızları Nesli ve İsmihan ve Emine ve Fâtıma ve Âişe’ye münhasıra ve mezbûre Saliha sıgār-ı mezbûrûnun kıbel-i şer‘den mansûbe vasîleri olduğu şer‘an sâbit oldukdan sonra mezbûre Saliha’nın li-ebeveyn karındaşı ve tarafından müteveffâ-yı mezbûrun zimem-i nâsda olan hukūkunu ahz u kabza ve kendüye îsâle vekîli olduğu kasaba-i mezbûre ahâlîsinden Mustafa Çelebi b. Hasan Ağa ve el-Hâc Hüseyin b. Hasan nâm kimesneler şehâdetleri ile mukaddemâ hasm-ı şer‘î muvâcehesinde sâbit olup vekâletine hükmolunan Abdullah Efendi nâm kimesne meclis-i şer‘-i şerîfde kazâ-i mezbûre muzâfâtından Çekmece-i kübrâya tâbi‘ Ekşinoz nâm karye ahâlîsinden bâ‘isü hâze’l-kitâb Mehmed Beşe b. Hasan nâm kimesne mahzarında ikrâr ve takrîr-i kelâm edip müteveffâ-yı mezbûrun yedinden müşterâ ve makbûz koyun bahâsından mezbûr Mehmed Beşe [8b] zimmetinde hakkı olan yirmi bin akçeyi mezbûr Mehmed Beşe’den bi’d-defa‘ât ahz u kabz eyledim, meblağ-ı mezbûrdan zimmetinde bir akçe ve bir habbe bâkī kalmadı ve mezbûr Mehmed Beşe’nin deyn-i mezbûrunu nâtık verdiği temessük zâyi‘ olmağla ba‘de’l-yevm zuhûr ederse amel olunmaya dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’t-tâsi‘ min-Cumâdelâhire li-sene ihdâ ve mi’eteyn ve elf. Şuhûdü’l-hâl: el-Hâc Ali Beşe b. Hüseyin el-mübâşir, el-Hâc Hüseyin b. Hasan, Halil Halîfe b. Mehmed, Süleyman Beşe b. Ali, Mustafa Çelebi b. Ahmed.