Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 98 Hüküm no: 50 Orijinal metin no: [11a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ali Çavuş’un küçük oğlu Mehmed’e annesi Rahime’nin vasi tayin olunması Hüccet-i vasiyet Mahmiye-i İstanbul’da İskenderpaşa mahallesi ahâlîsinden olup bundan akdem vilâyet-i Anadolu’da medîne-i Manisa’da sâkin ve serdâr iken vefât eden el-Hâc Ali Çavuş b. el-Hâc Hızır’ın sulbî oğlu Mehmed nâm sagīrin kıbel-i şer‘den mansûb vasîsi olan Mehmed Çelebi b. Halil nâm kimesne umûr-ı vesâyeti ikāmetden izhâr-ı acz etmekle azlolunup sagīr-i mezbûru vâlidesi olan işbu bâ‘isetü’l-kitâb Rahime bt. Abdülvahab nâm hatun vesâyete ehil ve müstakīme olduğu zeyl-i kitâbda fahrü’l-esâmî olan Müslimîn ihbârı ile lede’ş-şer‘ mütehakkık oldukdan sonra sagīr-i mezbûr Mehmed’in umûrunu ikāmete taraf-ı şer‘den mezbûre Rahime vasî nasb u ta‘yîn olundukda ol dahi vesâyet-i mezbûreyi kabûl ve merâsimini edâya müte‘ahhide olmağın mâ-vaka‘a bi’t-taleb ketb olundu. Fi’l-yevmi’l-ışrîn min-Cemâziyelâhire li-sene ihdâ ve semânîn ve elf. Şuhûdü’l-hâl: Mehmed Çelebi b. Abdullah, Ebubekir b. Hüseyin, Mehmed b. Hüseyin, Mustafa Çelebi b. Ahmed, Balizâde Mehmed Çelebi, Mehmed b. ( ).