Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 99 Hüküm no: 52 Orijinal metin no: [11a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil Çelebi’nin Haraççı Muhyiddin mahallesi avarız vakfı mütevelliliğine tayin olunması Hüccet, nasb-ı mütevellî Mahmiye-i İstanbul’da Haraçcı Muhyiddin mahallesinin avârızına mevkūfe nukūdun hasbî mütevellîsi olan Ahmed Halîfe b. İbrahim nâm kimesne fevt olup tevliyet-i merkūm mahlûle olmağın yerine işbu râfi‘ü’l-kitâb Halil Çelebi b. Osman müstakīm ve dindâr ve her vechile tevliyet-i merkūme uhdesinden gelmeğe kādir kimesne olduğunu zeyl-i vesîkada muharrerü’l-esâmî olan ahbâr-ı Müslimîn ihbârları ile hâkim-i muvakkı‘-ı sadr-ı kitâb tûbâ lehû ve hüsnü-meâb hazretleri dahi merkūm Halil Çelebi’yi hasbî mütevellî nasb u ta‘yîn eyledikde ol dahi tevliyet-i merkūmeyi kabûl ve hizmet-i lâzımesini edâya ta‘ahhüd etmeğin mâ-hüve’l-vâki‘ bi’t-taleb ketb olundu. Fi’l-yevmi’l-hâmis ve’l-ışrîn min-Cemâziyelâhir li-sene ihdâ ve semânîn ve elf. Şuhûdü’l-hâl: Hasan Efendi b. Nasuh, Hüseyin Ağa b. Hasan, İbrahim Efendi b. Nasuh, Salih Çelebi b. İsmail, Ferhad b. Hasan.