|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 340 Hüküm no: 472 Orijinal metin no: [259-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Gika’nın vefat eden Dido’nun amcaoğlu ve vârisi olduğu
Sebeb-i tahrîr-i kitâb-ı naklî ve mûcib-i tastîr-i hitâb-ı mer‘î budur ki Belgrad-ı Arnavud kazâsına tâbi‘ Setike Derbendi nâm karyeden Gika v. Kuka nâm zimmîden da‘vâ ve istişhâd sudûrundan sonra kasaba-i Belgrad-ı Arnavud mahallâtından Sukuş? mahallesi sâkinlerinden olup udûl-i müslimînden ve ahrâr-ı muvahhidînden olan Hüseyin Bey b. Sinan b. Abdullah ve Musa Bey b. Hasan b. Sinan nâm kimesneler nakl ve tahvîl için mahall-i cerh ve te‘addîde hâzırân olup biz şâhidiz ve şehâdet dahi ederiz ki Mahmiye-i Kostantıniyye’de vâki‘ Hasköy’de san‘atın eylerken mürd olup terekesi beytülmâl emîni yedinde mazbûta olan Dido v. Koned v. Marti nâm zimmî müdde‘î-i mezbûr Gika’nın bundan akdem mürd olan li eb ve üm ammisi Koned oğludur mezbûr Dido’nun verâse[t]i merkūm Gika’ya münhasıradır lâ vârise sivâhü velâ müstehıkka gayruhû deyû şehâdet edip ba‘de’t-ta‘dîl ve’t-tezkiye şehâdetleri hayyiz-i kabûlde ve mahall-i irtizâda vâki‘ oldukdan sonra fentehâ. Hakīkatü’l-hâl ve masdûkatü’l-makāl gıbbe’t-taleb ve’s-suâl ilâ turâbı kademin min atebetihi’t-tayyibeti mutekabbilü şifâhi’l-efâdilü’l-a‘lâm ve süddetihi’s-seniyye mültekım efvâhı fühûli’l-mevâli’l-izâm zü’l-kadri’r-refî‘i ve’l-mecdi’l-menî‘ sâhibü’l-izzi ve’l-iclâl sâhibü ezyâli’l-kirâm ve’n-nevâl vârisü ulûmi’l-enbiyâ’i ve’l-mürselîn mübeyyinü menâhici’l-hakki’l-mübîn.
|