|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 342 Hüküm no: 474 Orijinal metin no: [260-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Asuzader v. Serkis’in bir mülk odasını Serkis v. Murad’a sattığı
Vilâyet-i Anadolu’da vâki‘ Eğin nâm kasaba sükkânından Asuzader v. Serkis nâm Ermeni meclis-i şer‘-i hatîr-i lâzımü’t-tevkīrde işbu bâ‘is-i hâze’s-sifr Serkis v. Murad nâm Ermeni mahzarında bi’t-tav‘i’s-sâf ikrâr ve i‘tirâf edip silk-i mülkümde münselik olup kasaba-i mezbûrede vâki‘ bir tarafı Maksud v. Derbâb mülkü ve bir tarafı Hosab v. Mirek ve bir tarafı Dader ve bir tarafı müşterî-i merkūm mülkleri ile mahdûd ve mümtâz olan bir bâb tahtânî oda mezbûr Serkis’e tâmmü’l-vezn sahîhü’l-ayâr yirmi beş riyâlî guruşa bey‘-i bâtt-ı sahîh-i şer‘î ile bey‘ edip kabz-ı [semen-i] ma‘dûd ve mebî‘-i mezbûru mahallinde kabza taslît eyledim, ba‘de’l-yevm zikr olunan oda merkūm Serkis’in mülk-i müşterâsıdır, keyfemâ yeşâ ve yehtâr mutasarrıf olsun dedikde, mukırr-ı merkūmun ikrâr-ı meşrûhunu el-mukarru lehü’l-mezbûr Serkis bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâhiri Recebi’l-fer[d] li sene ihdâ ve hamsîn ve elf.
Şuhûdü’l-hâl: ( )
|