|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 345 Hüküm no: 480 Orijinal metin no: [263-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Kiremitçilerin Hasköy çorbacısına işlekleri başına yüzer kiremit verdikleri
Havâss-ı aliyye kazâsına tâbi‘ Hasköy’de bi’l-fi‘il çorbacı olan Abdülkerim Çavuş b. Hasan nâm kimesne meclis-i şer‘-i hatîr-i lâzımü’t-tevkīrde işbu bâ‘isü’l-kitâb kiremitçi tâ’ifesinden Osman Beşe b. Abdülmennân ve Mustafa Çelebi b. Abdullah ve Ferhad v. Şahbaz ve Gülbeği v. Bayik ve Mihal v. Yani ve Civan v. Fedi ve Hacik v. Merik ve sâirleri muvâcehesinde üzerlerine da‘vâ ve takrîr-i kelâm edip mezbûrûn kiremitçiler bu âna gelince her biri paydosda kârhâne başına yüzer kiremit veregelmişlerdir, şimdi te‘allül ederler suâl olunup takrîrleri tahrîr olunmak matlûbumdur dedikde, gıbbe’s-suâl mezbûrûnlar cevâblarında [264] fi’l-hakīka bu âna ge[li]nce her kim çorbacı olursa paydosda yüzer kiremit veregelmişlerdir, yine veririz deyû her biri ta‘ahhüd eylediklerinde, mukırrûn-ı merkūmûnun ikrâr-ı meşrûhları mezbûr Abdülkerim Çavuş talebi ile ketb olundu. Hurrire fî târihi’l-mezbûr.
Şuhûdü’l-hâl: ( )
|